YO! ~ 😇TGIF🥳好唔容易又到咗星期五！嚟緊又有兩日可以到老公接力俾我唞一唞啦！嘻嘻🥰呢段日子一打二忙到甩轆，老媽子、老婆、老師全部我一腳踢，真係辛苦嘅！不過都好多謝老公送俾我苦中一點甜！
💗超夢幻唐記包點粉紅My Melody 系列💗
真係靚到爆炸💕特別係個Melody頭造型嘅紅豆包，直情想將佢永久珍藏😝話說呢套包都真係幾難買到！因為唔係間間唐記包點分店都有得賣，有嘅話都好快賣晒！再加上依家插翼都難飛既我...真係只能夠得個想字🥺見朋友買到開心Share, 我又Share張相俾老公欣賞吓，點知佢就幫我買到套包返嚟💕（原來唔係間間都有蝦餃）總之成件事已經令我非常之感動了💗話晒一個大男人為咗個老婆一句說話周圍走去唔同分店搵粉紅色Melody包😘係抵錫既💕即刻搵埋啲粉紅Melody嘢加埋之前買嘅粉紅貝殼茶具系列嚟個合照留念先💗
講真，我覺得無論係包裝盒、包裝紙同包裝袋都好靚，全部都有粉紅Melody圖案，算係有誠意有驚喜呀💕兩個包我都蒸熱咗嚟食，蒸完之後成個包更加脹卜卜，好得意呀💗圓形Melody 菜肉包既美味一如以往吸引我（我一次過可以食三個😝）而Melody 頭造型嘅紅豆包絕對係顏值破表，細心欣賞咗好耐，講真有少少唔捨得食🥺但當我正準備切開佢嘅時候......
👦🏻：Stop! 媽媽點解你唔同個包合照完先切呀？
👩🏻：算啦！就咁影啲包已經好靚呀🥰（事實係我驚我既樣加入而破壞咗個咁夢幻既畫面同埋讀者們對呢套包嘅幻想🤫）
😋食過先知，原來個紅豆包唔單止樣靚連味道都靠得住，紅豆蓉之中仲有粒粒軟熟紅豆，口感有層次又唔會太甜！小朋友都爭住食😝希望喺呢個系列停產之前有機會試埋蝦餃啦💕
#粉紅控 #少女心爆發嘅包 #為咗粉紅色可以去到幾盡 #粉紅色Melody限定 #紅色melody嘅我未必會買 #唐記包點 #你今日買到未
Search